每間公司掛牌，例必送樣紀念品畀港交所（388），噚日輪到康宏理財（1019）嘅大喜日子，送嘅係乜嘢？原來係個鍍金公仔，華華一睇，吓？康宏搵咗小丸子個老友花輪同學（右圖）做代言人？你睇吓個公仔撮頭髮吖，好明顯係花輪嘅招牌喎！康宏嗰邊為華華解畫，個公仔查實係一個不偏不倚嘅不倒翁，代表公司作為保險經紀銷售代理，要保持中立。咁點解唔搵個梳中間界嘅公仔做代表呢？
