社民連三子事先張揚會在特首答問大會上出招，果然冇令人失望，一如所料起身收場，今次鬧劇卻多咗個咖喱啡試圖搶鏡。旅遊界謝偉俊噚日拎住個寫有「沒有文明，豈有民主」嘅紙牌入議事堂，在陳偉業同黃毓民輪流炮轟煲呔之際，謝偉俊可能以為自己真係超人，忽然間正義上身，舉起紙牌離開自己座位，走到毓民身邊，喺毓民面前展示紙牌抗議社民連。
舉起紙牌抗議冇乜所謂，不過謝偉俊竟然用個紙牌作狀打毓民頭殼同背脊，雖然冇真正打落去，不過議事堂內動口不動手，毓民等人都係聲大夾惡啫，就算掟蕉都係對事不對人，謝偉俊向另一個議員動手，意識上好有問題，嚴人寬己，又有幾文明呀！