花旗股市進入業績公佈期，前晚個市好靜，道指窄幅上落，最後升18點收市。
內地股市噚日又插，花旗股市冇啟示，港股反覆偏軟，股民冇乜入市興趣，成交唔夠480億，恒指跌36點收市，大家都係得個等字。
內房股回番啲，內銀股繼續靠穩，農業銀行（1288）即將掛牌，內銀股應該會繼續趁熱鬧。
交行C輪20999：交通銀行（3328）噚日收8.57元，升0.8%，升幅雖然唔大，但技術走勢進一步向好，成交仲增加，日線圖好快會再現黃金交叉，上試9.20元唔使等好耐，破位就睇9.80元，可以諗吓隻C輪20999。
隻輪現價13仙，2010年11月4日到期，行使價7.59元，溢價3%，引伸波幅39%，槓桿率7倍（有效5.1倍），正股升上9.80元，20999睇23.8仙，有超過8成升幅，正股跌穿8.20元就沽咗隻輪。
俊樺