子係咪一定要承父業？似乎未必。好似原先做開製衣嘅正興（692）咁，噚日無啦啦出咗張公告，宣佈現年七十有四嘅主席姚正安，決定退休唔撈嘆世界。至於繼任人選？公司話仲未搵到喎！不過就委任咗陳耀輝先生做執董，話佢有「20年扎實的投資背景」，但咩背景統統無講。
姚主席位公子、行年48歲嘅姚國銘，一直係公司副主席兼董事總經理，點解唔搵佢接手坐老竇個位？係太子爺未夠班？定係公司之後會有後着？華華唔識估，不過呢隻變咗身做礦股嘅正興，股價就喺谷底再插水，埋單跌14%，得番一仙二，睇怕好快連仙都唔仙吓o架嘞，陰功！
李華華