隔牆有耳:梁振英網誌無聲大反擊 - 李八方

隔牆有耳:梁振英網誌無聲大反擊 - 李八方

疑似下任特首候選人梁振英頻頻同政府唱反調,所為何事大家心知肚明,連人大常委范太都睇唔過眼,開聲指咁做太不該。公民黨陳淑莊噚日在答問大會上,質問煲呔係咪約束行會成員不力,梁振英港人自講,令人懷疑所謂集體負責制已經名存實亡,特首淪為「跛腳鴨」。
煲呔斷無可能自認係跛腳鴨,死撐行會操作良好,佢唔認為有甚麼問題,至於政府正就資助市民置業進行諮詢,佢話任何一個香港個人,包括梁召集人,都可以發表意見,但如果政府已拍板,就要收口。忽然獲得平反,梁振英急不及待喺自己個blog轉載呢段即時新聞,無聲反擊外界批評,可見佢對俾人插十分緊張。