昨日「明嫂」Angelababy（楊穎）與師姐「城嫂」熊黛林，為所屬公司舉辦的模特兒比賽做評判，來自重慶的19歲少女潘瀟瀟成為三料冠軍。不過，身為師姐的熊黛林低胸上陣，新聞多多的Baby則人氣超旺，在現場搶盡風頭，似給一眾小師妹下馬威。
熊黛林（Lynn）和Angelababy所屬的StyleModel模特兒公司昨日在海港城舉行模特兒大賽，兩人齊以評判身份為公司揀師妹，結果來自重慶的19歲末代會考生潘瀟瀟（Panny）贏出，成為三料冠軍。
身為大師姐的Lynn先來一個下馬威，以低胸露背的完美身形搶盡風頭，不過升呢為「明嫂」的Baby新聞多人氣勁，依然成為焦點。問Lynn對新模特兒有甚麼寄語，她說：「身材好重要，性格、人品同氣質都重要，仲要識做人。」
近日網上有人冒認Baby，指對自己表現不滿意，故萌退出念頭，Baby對此說：「自己唔知呢件事，不過我都試過俾人喺msn冒認身份，所以要驗證，唔好亂信人，自己從來都冇諗過退出，因為自己幾有鬥心。」
Baby入場撐黃曉明
對於男友黃曉明主演的《唐伯虎點秋香2之四大才子》被刪剪戲份，票房成績欠佳，問Baby有否安慰黃曉明，她說：「自己唔方便回答，最好安慰係入場睇多幾次，不過自己未有時間睇。」
問Baby是否與台灣男星趙又廷合作拍《痞子英雄》電影版，她強調未能透露：「練緊體能，心目中最弗嘅身形係楊紫瓊。」問她會否希望與周渝民和趙又廷合作，她說：「梗係想，我鍾意同靚仔合作。」
採訪：RAuYeung
攝影：ChanChiLam