世界盃曲終人散，我家大廳的雜誌架，還有一本2006年《壹》出版用今屆無影的朗拿甸奴做封面的特刊，唔捨得丟。雜誌刻意墊底，是以防牛王頭執到寶，拿來研究分組表，逐件波衫比較，翻完一輪，就會一本正經「做功課」，剪下喜歡的球星，連他們的生日日期都會做紀錄，雜誌很快就會開天窗，我的珍藏，不消半天，就會支離破碎。
我另一份存備，是同年同期的一份《Time》，封面是上屆盟主意大利，捧盃那位，正是今屆讓無數擁躉無眼睇的隊長簡拿華路。才四年光景，簡先生照樣奔走全場，但已經從西西里英雄淪落為草寇，是足評旁述員盡情挖苦羞辱的對象。
假如出版賽後特刊，選哪位球員做封面好？
美斯上屆已經嶄露頭角，做過《明報》海報人物，跟已經成為「永恆」的碧咸、亨利、雲尼斯達萊和朴智星佔據同樣版面。今仗全程吃悶蛋的美斯，由球迷投票的話，做封面男郎的魅力，可能不及向攝影師吐口水的忽然爸爸Ｃ朗。洛賓冇乜型，韋拿和科蘭條件好些，朗尼遭惡搞被封為最醜球星，點會醜得過斯洛伐克的咸錫？牛王頭最鍾意這個大口仔。今屆爆冷多，星味球員少，難揀球星做封面是因為，球證更搶鏡，還有「保羅」！