全球矚目的2010南非世界盃，隨着今日凌晨荷蘭決戰西班牙而畫上句號。昨日，港、台兩地靚女紛紛出席各大小商場活動，以性感姿態瞓身催谷這場終極一戰。
其中台灣幫黑澀會美眉成員大牙和Apple，昨晚親到商場唱歌跳舞助興兼陪球迷通宵睇波，本地薑百果園E神陳靜和趙碩之等等拋胸落力宣傳。就連阿Sa蔡卓妍昨日舉行簽唱會，也以世界盃決賽做主題大搞噱頭。
地點．九龍灣德福廣場
時間．3:00p.m.
蔡卓妍（阿Sa）昨日在九龍灣舉行的簽名會，食住世界盃熱安排fans化身荷蘭及西班牙打氣隊玩遊戲。阿Sa並非狂熱球迷，她說：「我有朋友支持荷蘭亦有支持西班牙，我就夾喺中間，邊隊贏我都開心。」
阿Sa自宣佈與鄭中基離婚後，新戀情一直受到關注，有人提議她邀請追求者探班相陪，但阿Sa拒絕：「咪搞，影到相好煩。」那麼追求者是否圈中人？她笑說：「唔講唔代表係又唔代表唔係，只係因為我唔想講啫！」
採訪：魯萍
攝影：仇志德