花旗股市連升4日，上禮拜五道指升破保歷加通道中軸，技術上可以推向10600，不過成交量連跌兩日，要留意是否假突破，道指呢兩日如果守得住10150，企喺10250樓上收市，可以假設破位，短線花旗股市可以睇好啲。
借助花旗股市嘅升勢，加埋內地股市反彈，港股升破20230阻力位，下個阻力區喺20600至20900。內地股市仲有得上，焦點股仍然係內銀股同內房股。
潤地C輪21104：華潤置地（1109）上日報收15.52元，升4.4%。內地近日有放寬房貸迹象，以內房股嘅走勢嚟睇，唔係冇可能，潤地喺50日線拗腰回升，快速突破100日線，成交大增，應上試6月高位16.50元，破位睇17.80元，可以諗吓隻C輪21104。隻輪現價15.7仙，2010年12月10日到期，行使價16.68元，溢價17.6%，引伸波幅50.5%，有效槓桿率4.7倍，正股升上17.80元，21104睇28.6仙，正股跌穿14.80元就沽咗隻輪。
俊樺