全球矚目的2010南非世界盃，隨着今日凌晨荷蘭決戰西班牙而畫上句號。昨日，港、台兩地靚女紛紛出席各大小商場活動，以性感姿態瞓身催谷這場終極一戰。
其中台灣幫黑澀會美眉成員大牙和Apple，昨晚親到商場唱歌跳舞助興兼陪球迷通宵睇波，本地薑百果園E神陳靜和趙碩之等等拋胸落力宣傳。就連阿Sa蔡卓妍昨日舉行簽唱會，也以世界盃決賽做主題大搞噱頭。
地點．尖東
時間．12:00p.m.
楊思琦昨日到尖沙嘴出席《5星級世界盃終極派對》，雖然近日在珠海拍內地劇，不過仍有收看世界盃賽事。本來在內地工作的楊思琦回港出席活動，卻變成見愛犬最後一面，思琦說：「佢一直都好健康，點知前晚佢玩玩吓突然趴低，咁就走咗，因為太突然所以我喊咗好耐。醫生話原來因為佢食完又係咁玩，搞到個胃倒轉咗。」
採訪、攝影：譚倩宜