全球矚目的2010南非世界盃，隨着今日凌晨荷蘭決戰西班牙而畫上句號。昨日，港、台兩地靚女紛紛出席各大小商場活動，以性感姿態瞓身催谷這場終極一戰。
其中台灣幫黑澀會美眉成員大牙和Apple，昨晚親到商場唱歌跳舞助興兼陪球迷通宵睇波，本地薑百果園E神陳靜和趙碩之等等拋胸落力宣傳。就連阿Sa蔡卓妍昨日舉行簽唱會，也以世界盃決賽做主題大搞噱頭。
地點．大埔超級城
時間．3:00p.m.
趙碩之（Wylie）、師妹Yumi與台灣模特兒王心恬昨日到大埔超級城出席世界盃活動，當中以Wylie最為性感。Wylie又被師妹大爆裸睡習慣，Yumi說：「我哋有一晚一齊去咗夢夢屋企睇波，之後同Wylie同床，點知瞓瞓吓發現佢上身冇着衫，突然見到好震撼。」而來自台灣的王心恬則透露自己支持德國隊，但現在轉捧西班牙。
採訪、攝影：藍文浩