六四事件過咗21個年頭，有市民早前要求運輸署重新拍賣無字頭8964車牌，噚日拍賣，底價12.5萬，遠超其他普通車牌，最終無人承價要收回。運輸署就話，8964底價係根據過往類似車牌拍賣價定出。
好多車牌底價只係幾千蚊，8964一出場，拍賣官開嘅底價竟然係12.5萬，議論紛紛，你眼望我眼之下，冇人肯出價，等咗半分鐘左右拍賣官宣佈收番個牌。8964喺00年同01年都有人要求當局拎出來拍賣，當時底價分別係6.3萬同9.8萬。今次冇人吼，有人話定價太高，但行內人士話號碼太敏感，預咗未必賣得出。噚日3728同6592嘅底價都過10萬，全日最值錢嘅係601，17萬成交。