八爪魚保羅最堅嘅地方就是它從不模稜兩可，原來八爪魚嘅壽命都只係得3至4年。假如冇咗保羅，博彩公司在世界盃嘅投注注碼就未必會咁勁；唔怪得世界各地同時出現唔少挑戰者如愛沙尼亞動物園嘅黑猩猩、台灣嘅老翻「章魚哥」都走出來。有外國賭博公司預計，今屆世界盃，全球投注賭波金額將達100億歐元，真是一盤大生意。喺股票市場，手風順就玩玩，手風唔順就索性休息；你想做莊定係做閒，視乎你肯做幾多準備工夫。
憧憬併購壯大
你估佢唔到、不按常理出牌、冇得分析，就最引人入勝。好似去年10月才上市嘅澳優（1717），根據其首份年報資料，主席、董事與員工於去年底持有公司56.75%股權，而行政總裁陳遠榮持有10.24%；細摩與富達基金母公司FMR亦分別揸住7.81%及5.06%權益，街貨唔夠2億股。中國再發現三聚氰胺毒奶粉，中國製造嘅奶製品已經冇得救，西洋奶粉在成本上升壓力及需求帶動下普遍連番提價，去年看利潤由36%大幅提升至49%的澳優在今年上半年亦提價10至15%，股價由去年上市之初從4元招股價上衝至7元之上即32.8倍市盈率水平後，進入下降通道，現價仍相當於往績市盈率22.3倍。
上市集資8.23之億元後，手持9億淨現金，流動比率達2.92倍，建議派息6仙未算慷慨，更令市場憧憬公司將利用手頭資金併購壯大。管理層未有如中國利郎（1234）般甫過禁售即減持舊股，反映對公司盈利表現有信心，只是估值未到極吸引水平，宜留心機構投資者手影，睇睇他們幾時再發奶癮，最近6月底FMR就大發奶癮於場外增持，好倉持股由6.66%升至7.42%，增持價折合4.8港元，可視為參考。
胡孟青
獨立股評人