賭王三姨太陳婉珍昨日和鄭則士及黃日華等，到美孚出席東華三院員工保齡球賽開幕禮。日前賭王再次入院，三姨太回應說：「其實係做一個直腸檢查啫，舊年未出事之前已經book咗8月o架喇，不過出事就拖咗成年。個檢查其實喺屋企做都得，但係安全起見就入院，照咗乜事都冇。我哋唔公開都係怕阻住人哋而保密，唔好意思。」
「佢想去party」
問到賭王可有扭計出街？三姨太說：「其實都有出街食飯，佢都好想去日本，不過就未有計劃，佢係想同我哋去partyo架，因為佢都係一個好活躍嘅人嘛。」
另外，鄭則士（Ken）和黃日華同時有劇集播出，鄭則士說：「華哥打波犀利，今日有機會攞獎，但係夜晚仲犀利。」黃日華卻說：「其實《天地豪情》劇情麻麻哋，太亂喇，但係個個演技都好好。」
採訪、攝影：藍文浩