浸大咪神Carol（楊梓瑤）、Rainbow（胡心諾）、椋名凜及朱裕琳（Caroline）昨日出席奧海城PS3遊戲活動，４人穿上低胸露腰球衣，當中以Carol露出最深的事業線，吸引半百龍友狂影。
Carol表示因為睇靚仔球星故有留意世界盃，總決賽當然亦不會錯過。一向性感的她昨日未有被龍友狂影而嚇怕，她說：「都習慣，最驚反而係上次行泳衣騷。」
想餵fans食冬甩
問Carol每次都性感上陣，可會感覺引人犯罪？她說：「我都唔係成日咁性感，工作需要，出街會着鬆身衫，夏天冇所謂，冬天就會封胸。」怕不怕收埋身材會冇人影？她說：「如果鍾意我，不會只係focus喺胸部。」Carol更稱多吃魚會令胸部豐滿，問她可會怕被人嘲笑「波大無腦」？她說：「人哋點講控制唔到，不過睇電視話冇根據。」
另外，問到Rainbow可會效法周秀娜到書展踩場？Rainbow說：「我哋可能會派冬甩。」問她可會餵fans吃冬甩？她說：「睇情況，好開心見班fans，如果可以滿足佢哋都可以餵。」
此外，關心妍（Jade）日前於個人網誌不開名批評暗示o靚模Carol以冰鎮胸部拍寫真；又不明白為何有o靚模要拍施暴影片宣傳，她留言說：「當媽媽親眼看到影片時，你猜猜她會流下多少眼淚？」
採訪：歐陽慧恩 攝影：陳俊強
