香港華人（655）橫行咗近兩年，PB嚴重極度偏低，博大茶飯，買華人。華人最新每股NAV為2.46元，現價0.70元，折讓71.5%，P/B得0.28倍，無論以星洲或香江地產股計，華人超殘。又華人家陣預售緊星洲地產項目MarinaCollection，單係呢壇製作，應該可以為集團帶來20億元銷售額，華人市值，都係得12億元。又真係好保守計數，項目純利率得50%，華人每股已經可以獲利/增值0.55元，貼近集團現價。再講，華人喺星洲，仲有幾個物業發展項目，隨住物業陸續銷售套現，華人繼續肥仔水。保守提升華人NAV到3.46元，實際折讓近80%，華人抵到爛。一於長、短棍，一注喺橫行區0.63元至0.83元炒波幅，一注放長線，華人現價升兩倍到2.1元，NAV折讓仲高達40%。
天地數碼潛在回報25%
天地數碼（500）上年底嘅手頭淨現金3.26億元，連埋出售機頂盒套現，家陣手頭淨現金應該超過6億元，淨現金幾乎等於集團市值6.7億元。又天地數碼最新每股NAV為0.92元，現價0.59元，折讓36%，有唔錯折讓墊底。Before炒中期業績，博有特別派送，兼炒業務變身前，先短打，博NAV折讓收窄到20%，見0.74元，現價潛在回報率25%，有魚有肉。
錢雋