資深藝人陳有后上月12日在港病逝，享年96歲，其遺屬昨日在紅磡世界殯儀館為后叔舉行基督教喪禮，遺體隨後移送往柴灣歌連臣角火化。后叔育有五子三女，他的妻子則由親友照料坐輪椅到場送丈夫最後一程，他生前好友鍾景輝（KingSir）和梁天扶靈，藝人劉香萍亦有前來送別。
梁天讚好導師
KingSir和后叔相識數十載，追憶這位故友的生前點滴，KingSir說：「近年佢身體唔好已經好少見面，記得細細個我喺學校做戲佢已經做評判，之後大家再喺無綫、麗的、話劇社、演藝學院都有合作，佢份人非常勤力，對每一位學生都係有教無類，對個人工作同戲劇都好用心。」此外，梁天同樣盛讚后叔教學相當有耐性，他說：「佢好有心機教戲，經驗好豐富，實在係一位好前輩，我都有跟佢學習，自從近呢三、四年佢行動有困難之後已經冇再見面。」
採訪、攝影：魯萍