黑色給人神秘而富型格的感覺，難怪在各類車款中，黑永遠是最受歡迎的顏色。黑色亦有層次之分，平平凡凡而大路的黑色，已經不能滿足Supercar的要求，今次連AstonMartin都玩色，還是特別的碳黑色，將DBS這輛公認的超跑，提升至另一層次。
記者：趙慧敏
攝影：林栢鈞
Model：Tiffany@Zmodel
人手噴色黑得發亮
每逢提起AstonMartin，總會令人聯想起占士邦，既然咁深入民心，性能梗唔會輸蝕，好似旗下嘅DBS，擁有510匹馬力，由0至100km/h，只係4.1秒，公認係超跑一族，難怪成為占士邦的愛驅。要迎合占士邦呢位花心大少，新鮮感好重要，唔係又點留得住佢個心，所以今次DBS都要改頭換面。最近推出的AstonMartinDBSCarbonBlackSpecialEdition2010碳黑特別版，當堂令人耳目一新，任你幾花心，總會望多佢兩眼。DBSCarbonBlack沿用DBSV12引擎，話明係碳黑版，車身內外都以碳黑色為主調，其中車身帶銀底的碳黑噴色塗裝，在陽光下，黑得特別閃亮，據講全部用人手製作，而且花50小時才完成，質素並非一般工廠式製作可比。為增加跑格，20吋五組十輻式合金胎軨加上薄輪胎，電鍍的格仔紋鬼面罩，都成為搶盡視線的保證。
碳纖合金混於一身
全車除了大量採用碳黑色調外，頭尾擾流器則搭配大量碳纖物料，令全車跑格盡現。內櫳亦貫徹AstonMartin幽雅的格調，波浪形設計的中控配以鋼琴飾面，為全車添上不少貴氣，加上車廂採用的ObsidianBlack黑色真皮與座椅的銀線配搭，品味高雅，不過設計師似乎沒有因為增添貴氣而忘記此乃一輛超跑，故在門邊飾門，門邊腳踏甚至側鏡等，都刻意穿插不少碳纖及合金物料，以增強跑味。不過，Supercar始終以性能及品味行先，並以駕駛者及身旁乘客感受為大前提，這車雖屬2+2設計，但由於要遷就車軸，由中控台伸展至後座的中槽，確實佔據不少位置，纖瘦的Model坐進後座，無論如何屈縮，都無法舒適地坐下，難道真的如占士邦一樣，每次約會也容不下第三者？不過講到速度，DBSCarbonBlackSpecialEdition絕對是頂級性能，單是啟動引擎時發出的咆哮聲，已經先聲奪人，所以雖然車價近400萬，但由於屬特別版，已包括OptionalEquipment，據講至今已有不少城中名人排隊試車，吸引力之大可想而知。
DBSCarbonBlack規格
引擎：5,939ccV12
馬力：510bhp/6,500rpm
扭力：570Nm/6,500rpm
傳動：6速Touchtronic2自動波後驅
售價：$3,988,000（已包括全部OptionalEquipment）
查詢：23662017（MFJebsenAutomotiveLtd）
