「影相真係會影上癮o架！」吳雨霏（Kary）表示自從兩三年前開始學習攝影，從此不能自拔。Kary比較鍾情菲林相機，故此每次去旅行都會帶齊裝備，她覺得影菲林可以鍛煉自己的耐性，不像用數碼機時亂按一通。加上在鄭中基的感染下，她對攝影越來越感興趣，近日她還花了兩萬多元買了一部Leica相機，更希望將來可以擁有一間黑房冲曬自己的作品。 撰文：李珮洳
溫馨父子騎@台灣
「去台灣時見到個爸爸同囝囝坐電單車，從爸爸嘅眼神充份睇到嗰份父愛，個感覺好warm。」
常抱樂觀
「做人凡事都要樂觀去面對，就好似呢兩句說話一樣『Youdon'tneedtoworry！Everythingwillbeokay！』」
瘋狂印記
「有次去沙灘影吓自己對腳，呢張相令我好懷念前幾年瘋狂去沙灘嘅日子，我已經好耐冇去過啦。」
迷人蘋果
「媽咪有次洗生果，我見到啲顏色好靚，於是又拎個相機出嚟影一餐。」
受驚愛犬
「呢隻係我最愛嘅小狗Dash，有一晚行雷閃電佢驚到匿埋一邊，我第一時間影到佢呢個驚樣。」
鞋子富與貧@雲南
「去雲南探訪時見到當地人嘅生活真係好窮困，對鞋爛晒都照着，我哋一個鞋櫃可能有幾十對鞋，人哋可能一對鞋着一世，我哋真係好幸福。」
快樂三情侶@印度
「好多人都覺得印度人好拘謹，我嗰次見到三對情侶好開心咁喺度玩，於是叫佢哋一齊影張相，佢哋好表現到現代印度人嘅性格已經唔同晒。」
北海藍襯綠@日本
「呢張相係喺北海道影，我從來未見過一塊咁綠嘅田，加埋個天咁藍，我覺得靚到可以做電腦wallpaper。」
發呆閒坐男@香港
「同朋友去ifc平台傾偈，見到有個男人坐喺我哋前邊幾個鐘唔郁，發覺生活原來可以好悠閒。」
