葉童昨晚與吳文忻於會展出席香港傳藝節2010活動，為青年時裝創作比賽擔任評判，葉童表示15歲時曾當模特兒，但只是玩票性質，不像行天橋的模特兒專業。談到好友寇鴻萍丈夫梁廷鏘捲入迷姦案，葉童說：「佢兩公婆我都識，我相信佢唔會咁做，佢係風流而不下流，平時份人好gentleman，鍾意玩，但唔係沙沙滾，我同過佢哋同埋幾對夫婦去旅行，相處過所以知道。」
唔擔心老公
但葉童也勸喻時下少女玩樂時要有警惕，她一位酒量好的女性朋友在酒吧喝了飲品後感到頭暈，所以要小心，問她可擔心自己丈夫出事？葉童說：「唔擔心，我老公受盡傳媒教訓，唔會有事。」吳文忻則謂與寇鴻萍夫婦不相熟，故不作回應。
採訪：馬建華
攝影：陳慧安