喺香港電台做咗32年嘅車淑梅，由今日開始暫別電台，噚日一班電台同事專登幫佢搞咗個farewell派對。淑梅噚日喺電話度話：「做咗咁多年車淑梅，都想做番張太（張文新），放自己一個悠長假期，但暫別幾耐，我未決定。」淑梅話今次決定，係受老爺星期日（7日）病逝影響，因為自己喺老爺生前曾答應過佢，會畀多啲時間陪吓家人。