【本報訊】7.1晚警方在政府總部粗暴清場成為眾矢之的。有示威者批評警方越來越暴力。有醫生更炮轟警方妨礙醫護拯救，違反國際人權標準。
7.1遊行後近250名示威者在政府總部集會，其後被警方抬走。59歲麥女士被身穿白恤衫警員推倒昏迷。「皇后碼頭嗰次我都俾女警抬過，當年佢哋都會問我有冇事，現場都有白車隨時救人，但今次警方完全係強權暴力，如果唔係有醫生在場，我可能執唔番條命。」
社運團體「全民發聲」昨日公開影片，力證警員暴力清場，片段清楚見到一名便衣警員，推開頭戴十字標誌鴨嘴帽、正向麥女士施救的醫生歐陽英傑。他說：「我當時高呼我係醫生，但有警員推開我，之後仲抬咗我走。」
指警無視人權標準
曾經去過非洲等戰亂地區參與救援工作的歐耀佳醫生，狠批警方無視國際人權標準：「我哋夠膽去戰地幫手，因為我哋知道着住件衫（有醫護人員標記），我哋會受敵對雙方保護，家如果咁我唔敢去政府總部。」
對於警方早前回應傳媒時，形容示威者提出的是「不盡不實惡意指控」，全民發聲表示無法接受，會與律師進一步研究人證、物證後，考慮採取法律行動。