隔牆有耳:倒塌細葉榕有110歲 - 李八方

隔牆有耳:倒塌細葉榕有110歲 - 李八方

政府合署西座兩個星期前冧咗棵細葉榕,當時有人估棵樹有成60年歷史,有人就話老樹應該有成80歲。但港大地理系講座教授、「樹王」詹志勇就搵到張1910年炮台里嘅舊相,原來棵細葉榕嗰時已經喺度,保守估計當時已經10歲,換言之,到今天棵樹嘅樹齡應該至少有110年,就咁冧咗,認真可惜。
但康文署話過呢棵樹唔喺古樹名冊嘅喎?樹王話當局對於樹齡其實都係斷估,邊有人似得佢,去完歷史博物館,睇埋歷史書都搵唔到,「死都唔忿氣,終於喺網上搵到幅相」。樹王仲教路,估計樹齡最好睇埋歷史圖片,先夠準確,否則會漏咗好多古樹,康文署班高官,學吓嘢喇。