胡杏兒噚日以保良局大使身份同保良局主席陳小寶、總理陳細潔，喺天水圍出席幼苗種植活動。杏兒話平時都鍾意探訪老人院同復康中心，噚日佢好投入欣賞學員變魔術，有學員叫佢下次帶埋林峯嚟，杏兒一口答應。後來有人話應該帶黃宗澤先啱，杏兒尷尬搖頭：「唔係。」講到幾時出碟，佢話：「最近忙拍劇，短期內唔會出，但我都唔心急，重質好啲。」