隔牆有耳:長毛跨區愛埋鑽石山 - 李八方

隔牆有耳:長毛跨區愛埋鑽石山 - 李八方

前「民主女神」兼落選立法會議員譚香文牽頭搞咗個「我愛鑽石山居民協會」,噚日佢同長毛、滷味男一齊去中環港鐵站向港鐵抗議,話沙中線喺鑽石山嘅車廠上蓋可能會起幾棟34層高嘅公屋,擔心鑽石山到時無啦啦多幾棟屏風樓。但運輸及房屋局話,規劃處仲規劃緊車廠上蓋發展,未決定係咪起樓,港鐵就話唔會起樓。
鑽石山係譚香文老巢,但新界東嘅長毛因乜解究呢排成日跨區撐場,早排先同譚香文呢個我愛鑽石山居民協會去抗議有線?長毛解釋話,因為佢唔想鑽石山好似大圍火車站上蓋咁,起晒啲屏風樓,強調無意下屆轉戰九東喎。