今夏o靚模胸群而出，除掀起埋身肉戰，眾女更晒事業線鬥長，令影壇前輩黃秋生忍不住開腔狂抦這班水着女，言語間還揶揄她們是性工作者。與「A貨嘉欣」Cat（陳雅絲）同屬PureModels的林玲（Kinki）並不介懷，日前她穿上比堅尼大騷32C咪咪，以證自己內外都心胸廣闊，她說：「佢用呢啲字眼形容o靚模有啲過激，但都係佢個人睇法，唔係講晒成個行業，我唔會介意，以後自己會做番自己嘢。」
狂曬變黑珍珠
Kinki有別貪靚保護雪白肌膚的o靚模，她熱愛陽光，誓要變黑珍珠，Kinki說：「我最初由英國返香港，仲以為令自己白番，希望帶嚟更多工作，但其實我曬黑啲，一樣工作不缺。」可是她加墊谷爆露出的半球膚色偏白，留下明顯兩截色的泳衣印。問她既然愛做黑珍珠，那可敢裸曬？Kinki即豪情快語：「我十八、九歲喺英國讀書時，試過男男女女去裸泳，冇尷尬喎，感覺無拘無束。喺外國我出街都習慣唔戴bra，個個女仔都係咁，唔關舒唔舒服嘅事，因為外國人唔會focus落呢樣嘢度，喺外國可以放鬆啲。」
香港比較保守
Kinki強調回港後不敢裸泳或飛釘示人，她說：「返到嚟香港，要配合番呢度較保守嘅思想。」她抗拒外間形容身材好的女子波大冇腦，她反駁說：「兩樣嘢唔成正比，唔關事。」她更表示若拍攝寫真《Inside》暢銷，公司可請她們去旅行，她說：「我想公司畀錢，我哋幾個一齊影相嘅女仔一齊去旅行，等我帶佢哋試吓祼曬嘅滋味。」
採訪：比華利
攝影：陳順禎
部份泳衣：ROXY
林玲（Kinki）
年齡：22歲
三圍：32C、24、34
身高：5呎3吋
體重：95磅
工作經驗：曾參演鄧健泓《變形記》MV、麥當勞及維他奶等多個廣告。