足球評述員何輝大前晚blog爆與有線體育主持陳欣欣下周二結婚，一對準新人已密鑼緊鼓籌備婚事，即將榮升何太的欣欣更在facebook上張貼了多幀煙韌合照，相中的她小鳥依人挨實男友，但最搞笑的則是她自拍大頭相時，遠處的何輝竟然踎低扮扭耳仔。
生仔十五十六
欣欣這位待嫁新娘甜在心，前晚她表示對造人計劃十五十六，十分矛盾，她說：「要小朋友嘅話呢三、兩年要生，唔生又好似有遺憾，其實我哋都做晒婚前檢查，大家都好健康。我同何輝諗住順其自然啦，有BB就係上天賜畀我哋嘅禮物。」她又否認奉子成婚：「十八、廿二就話啫，成四十歲仲會唔會呀？」何輝前晚則在微博留言，感激各方友好祝福。撰文：葉雪