花旗股市禮拜二嘅陰陽燭顯示前晚會再升，但係上升幅度較預期大，道指重越10000關，短線阻力位喺10200，破位就睇10500，不過花旗股市都係炒上落，只不過波幅區較之前闊咗。
花旗股市勁升，港股高開超過300點，不過恒指俾幾條平均線頂到實一實，好快就掉頭回落，收市雖仲有193點升幅，但係睇走勢好大機會又會下試支持位。
渣打C輪22956：渣打集團（2888）噚日報收202元，升4.5%。股價早排喺條250日線拉鋸，上月中炒番上200元樓上，呢個禮拜又再回試250日線，噚日大成交向上升破多條平均線，技術走勢再轉強，好大機會推向225元嗰頭，可以諗吓隻C輪22956。隻輪現價33.5仙，2010年12月6日到期，行使價188.88元，溢價10.1%，引伸波幅54.4%，有效槓桿率3.8倍，正股升上225元，22956睇49.7仙，有近5成升幅，正股跌穿190元就沽咗隻輪。
俊樺