豪宅盤要鬥「豪」，實際上好難分出勝負，但如果係鬥貼心呢，華華有理由相信，嘉里荃灣棟縉庭山應該贏到開巷！點解？佢哋喺會所整咗個價值幾十萬、歐洲名牌貨MegaEgg萬用廚房，方便啲住客喺會所一顯身手大宴親朋，佢哋仲要一條龍為住客提供埋餸菜連送遞服務，甚至供應埋有機菜同食物包，方便住戶每日享受到健康優質食物，真係諗起都有少少餓！
講番呢隻小巨蛋，根據嘉里執行董事朱業培介紹，上半part蛋殼係抽油煙機，下半部就有齊雪櫃、無火煮食爐、煎板同洗碗盤。如果俾華華sell呢個盤，一定會用「住得舒適、食得招積」呢8個字囉！