陳錦鴻自《創世紀》的角色許文彪做過一次壞人，之後成日做好人，可能他天生一副好人樣，不過今次在無綫劇《蒲松齡》裏遇上另一個大好人馬浚偉，自認反叛的陳錦鴻由忠變奸，最後變成殺人狂，過足戲癮。
如果有看最近深夜重播的無綫劇集《天地豪情》中的陳錦鴻，見到這個頂級好人程家雄，便知道陳錦鴻飾演一個好人很有說服力，可能因為太有說服力，陳錦鴻也只是在《創世紀》做過一次壞人。結局，還是改邪歸正。
「多年冇做壞人」
事隔十年，陳錦鴻終於有機會做一個壞人直到永遠，無綫劇《蒲松齡》的高喆由忠變奸，再變成殺人狂，陳錦鴻日前說：「我都唔明點解我成日做好人，由《創世紀》到家，你話幾多年喇！真係好多年冇做過壞人，高喆就好似《創世紀》許文彪咁，一個時裝一個古裝，最唔同係許文彪最後因屋企人浪子回頭，高喆就死不悔改。」
雖然陳錦鴻不明何解在戲裏經常做好人，現實生活中他堅守做一個好人，他說：「呢個係我阿媽教，由細打到大，曳就打，所以我好乖，或者咁樣，我特別守規矩。但係其實我應該係好反叛，當我作反時會特別投入，可能我終於可以做到壞人。」
陳錦鴻覺得今晚大結局的《蒲松齡》最特別的地方是劇中有很多特技效果，他說：「以前拍《聊齋》，唔會有咁多特技或者做咁多後期加工，家畫面會好睇，好似講到我精神分裂，自己同自己講嘢。」
採訪：楊潔雯 攝影：陳順禎