世界盃接近定局，無論你喜歡不喜歡，飲泣不飲泣，決賽夜兩軍對壘，總是有人歡喜有人愁。香港人熱愛森巴兵團，但他們一次又一次令人失望，死忠球迷賭氣說，巴西出局當晚，世盃就此提早結束。我本來也擔心家裏的巴西擁躉牛王頭會痛哭，但他一覺睡醒後知道賽果時，露出不可思議表情，問了幾次「是真的嗎」，就不再沮喪，反而說「咁你就開心啦媽媽，你鍾意荷蘭嘛。」後來牛王頭看阿根廷慘吞四蛋的直播，之後就說，「我諗德國會贏決賽。」語畢又搞鬼說：「今屆很多人跌眼鏡，所以，可能會爆冷的啊。」爆冷未必，但比數會不會又試拉開四球，考起賭徒。一場世盃，輸死賭仔，誰能想到世界排名第八的阿根廷會跟超級魚腩澳洲隊同一種下場，四比零，不是跌眼鏡而係跌了滿地鋁窗，賭仔遍地屍骸。
願賭服輸無價講，但唔賭波的球迷，怎麼看假波風雲？撐巴西沒有收規，打死都冇人信。波既然是打假的，還要不要繼續捱更抵夜追看？老實說，波盤操控的雖然是天文數字，但針拮唔到肉，四年一度，各國勁腳晒靴，還晒出足以讓球迷議論四年的南美傳統絕招上帝之手。世盃大晒冷（爆冷），怎捨得罷看耶。