梁廷鏘捲入o靚模迷姦案，昨日在兒子陪同下急忙奔走律師行，不過老婆寇鴻萍就在微博透露身體不適，全日無影兼拒絕奉陪，夫妻感情恐現暗湧。梁廷鏘兒子梁作華力撐父親，更表示日後父親會就事件作出交代。
寇鴻萍的63歲丈夫梁廷鏘捲入o靚模迷姦案，他前日提早返港。昨早10時半，梁廷鏘和第一任妻子于楓所生的兒子梁作華（Julian）驅車，去了梁廷鏘堅尼地道的寓所，之後兩父子坐七人車出發去金鐘海富中心一間律師行，問梁廷鏘有關案件及進展，他一律說：「唔知，唔想講。」兩人之後從其他通道離開。
記者事後聯絡梁作華，他表示並無參與父親和律師的談話，只是陪他到律師行及支持他，他說：「我只可以講，我相信佢冇做過呢啲嘢，我一直有standby喺佢身邊。由細到大，爹哋都教我哋，一個人做錯事一定要認，所以我信佢一定係冇做過。」
梁作華更透露太太懷孕，現時要小心照顧妻子，原來梁廷鏘將做爺爺，他說：「總之希望快啲水落石出啦。」至於下一步會有何行動及梁廷鏘情緒如何等，梁作華說：「多謝關心，希望快啲水落石出，到時會畀一個好好嘅交代大家。」
寇鴻萍嘆累
去年梁廷鏘偷食攬女，自認醉酒行差踏錯，獲得太太寇鴻萍原諒，兩公婆事隔一日已拖手到馬場。不過昨日寇鴻萍就沒有陪落難老公到律師行，她前日在微博自爆心煩兼頭暈腦脹，她昨日更呻說：「今天身體很累呀，需要在家休息。」而唐貝詩則繼續在微博表示對傳媒不滿，更指斥其中雜誌「亂噏當秘笈」。採訪、攝影：
羅德光、黃曉程、張俊銘、林妙萍