自巴西球王比利、阿根廷馬勒當拿年代開始，他們身穿的10號球衣總是綠茵場上焦點；兩屆香港足球先生、現任車路士足球學校（香港）技術總監山度士，則是本地球壇的經典10號仔，他直言協助荷蘭勇闖決賽的史奈達，絕對是新一代10號仔的佼佼者，比球星級的卡卡及美斯有過之而無不及。
山度士：帶動全隊士氣
曾是本地班霸南華及港隊10號球衣主人的山度士坦言，史奈達表現更勝應屆世界足球先生、阿根廷10號仔美斯，「美斯作為攻擊型球員，今屆冇辦法入波，表現唔好就係唔好。相反，史奈達就可以延續佢協助國際米蘭勇奪三冠王嘅水準，保持最佳狀態出戰世盃，入球停不了，兼帶動全隊士氣」。
至於五屆冠軍巴西的10號卡卡，於今屆世盃表現飄忽。相比其他南美洲代表，山度士對協助烏拉圭晉身四強的前鋒科蘭給予更高評價。但談及港人寵愛的英格蘭，山度士則怒批英軍及10號戰衣新主人朗尼，「簡直不知所謂，唔單止朗尼，成隊英格蘭都唔係踢緊波！香港人支持英軍，因為球迷扭開電視都只係睇英超，以為佢哋好犀利，但事實係天外有天，即使美國都一直進步中」。本報記者