很多大型商場的扶手電梯都是走光黑點。本報昨日在旺角訪問多名女士，部份表示會「打底」防範。18歲銷售員陳小姐表示會打底，但遇上偷窺漢也不會報警，「會講畀媽咪聽，報警好似好大件事，講出嚟都幾核突」。同是18歲的蔡小姐則說，除了打底，也會盡量不走近圍欄，「以前冇諗過呢啲問題，意識比較低」。
穿着校服的中五生Rachel說，乘搭扶手電梯、玻璃升降機時會留神。她的朋友Karine則說，坐下時會找書包按着大腿，避免走光，「如果見到有人影相，唔知係咪影我，發現嘅時候佢都行走咗啦」。
大專生Christy則說，o靚模風氣盛，「着得少，啲人覺得冇問題。我都好跟天氣着衫，好少理走光問題」。50多歲李小姐則說：「冇得防，有心走光，一定睇到。」
組織指問題在於設施
新婦女協進會組織幹事區美寶指，穿衣是個人自由，問題在於設施，不會建議女士改變衣着，「叫女士唔好着短裙，只會斬腳趾避沙蟲」。
本報記者