港股前日顯著上升，但恒指逼近阻力位，大市成交又靜，反映投資者入市信心仲未足夠，前晚花旗股市復市雖然升過百幾點，但收市升幅大幅收窄，港股股民噚日自然唔敢咁進取，恒指低開後一直處於弱勢，最後報收19857，跌227點，前日嘅升幅差唔多冇晒。
花旗股市噚晚有機會再升過，如果A股可以繼續靠穩，港股嘅跌勢暫時可以喘定。
東風C輪22810：東風集團（489）噚日報收9.54元，升3.1%。國家政策對汽車股仍然有利，汽車股之前累積嘅跌幅唔細，會搵機會炒番轉頭。東風喺20日線樓下整固咗兩日，跟住抽上，噚日微穿10日同50日線，若突破10至10.70元區域，睇11.50元，可以諗吓隻C輪22810。
隻輪現價15.2仙，2011年3月30日到期，行使價10.80元，溢價29.1%，引伸波幅60%，有效槓桿率3.2倍，正股升上11.50元，22810睇26.7仙，正股跌穿8.77元就沽咗隻輪。
俊樺