民主黨成為今年7.1遊行「主角」，處處受到遊行人士追擊，籌款數字比去年大跌八成半僅4.5萬元，市民用鈔票懲罰民主黨，李永達話唔太擔心，指今年籌款數字少，主因係7.1只係開咗三個籌款街站，同往年開八個檔口不能相提並論，加上幾個立法會議員都遊行，冇企喺街站呼籲遊行人士捐錢，所以金額減少實屬正常，不代表民主黨被市民唾棄。
今年籌款數字喺三大泛民政黨中包尾，卻因禍得福有意外收穫。高達透露一位向來支持民主派嘅非黨員，睇唔過眼民主黨被追擊，日前親自向何俊仁送上15.5萬元支票捐款，用行動證明溫和路線仲有市場。高達話明年7.1如無意外會全面起錨籌款，最好收復失地啦。