天氣熱得令人食慾不振，還是吃碗自選餸菜的車仔麪更醒胃。由年頭至今，不少新式車仔麪店開張，添新食餸之餘又搞甚麼泰式湯底，不過少年食神Michael還是鍾情舊式車仔麪檔，一條多膏豬大腸吃回兒時情懷。
記者：趙志雄
攝影：譚盈傑，梁細權
Model：Kathy&Renee@StarzPeople
六十年秘製豬大腸
「佳佳粉麪店」有逾六十多年歷史，老闆娘Jenny由阿嫲那代開始，已在大角嘴和旺角賣車仔麪。Jenny說：「阿嫲和阿爸都是推木頭車賣車仔麪的，經常在英京戲院門外擺檔，因為車身細又要走鬼，食餸選擇不多，不外乎豬皮、魚蛋、蘿蔔等。八十年代，因為香港有霍亂問題，所以我們才搬入現址地舖。」雖然名氣不及其他老牌車仔麪店，不過這店勝在水準穩定，其豬大腸、炸芋丸和柚皮更迷倒少年食神Michael。
先說豬大腸，Jenny沿用阿嫲的方法秘製湯汁，把新鮮豬大腸浸在電飯煲中翻煮，讓大腸充份吸收湯汁滷水味，Michael大讚：「剪開大腸一刻，簡直氣勢磅礡，你會見到豬腸的膏如何肥美，尤其是豬腸頭，煙韌得來非常軟滑。」識食之人都知曉，一條豬腸的頭和尾段最滑、最多膏最肥美，當然亦有人喜歡腸多皺褶的中段位置，貪其咬口十足。至於炸芋丸，則是Jenny自己出品，嚴選靚芋頭搓成芋泥，再用腐皮包起來油炸，外脆內粉，每天賣幾百粒。還有豬紅、黑木耳、咖喱魷魚、牛腩、牛膀都是附近街坊和學生的人氣選擇，這店每日傍晚七時半拉閘，「有人放工後，幾趕時間都跑來買碗車仔麪當晚飯。」
小學時已愛吃車仔麪的Michael，經常光顧校門外的街邊車仔麪檔，很緬懷彎腰紮馬吃麪的日子，因怕湯汁會滴污雪白波鞋，「好的車仔麪，湯底喝完不會口渴，粉麪要齊備，油麪更加不可少。」這裏的湯底用豬骨和碎肉熬製，肉味特別濃郁，不須加太多調味料，喝光了也不覺口渴，Michael推介吃法：「我喜歡油麪溝米粉，在東南亞地區，把不同的粉麪混在一起吃很常見，他們叫這食法做『摻摻』，既有油麪煙韌，又有米粉軟滑。」
豬大腸$6
新鮮來貨豬大腸，浸在秘製滷水湯汁中，電飯煲不停翻熱，豬腸滷水味濃得化不開。
三餸車仔麪
雞翼$6、蘿蔔$3、豬腸$6、油麪$5米粉$5
少年食神推介，油麪煙韌米粉軟滑，兩個麪底最飽肚。雞翼放凉了，浸湯後依然保持脆身，蘿蔔極入味軟腍。
牛腩$6、牛肚$5、三寶$5、米線$5
很多車仔麪檔都不再提供牛肚，因為製作繁複，這裏的牛肚極有咬口，煎釀三寶要趁熱吃，牛腩入味無渣。
魚蛋$3、豬紅$3、咖喱魷魚$5、油麪$5
久違了的兒時咖喱味，魷魚爽口不會過韌，魚蛋魚肉味重極彈牙，豬紅不會一夾即散，非常嫩滑。
豬大腸$6、牛膀$5、炸芋丸$5、麪餅$3
我喜歡較幼身麪餅，豬腸肥美，吸盡湯水的牛膀多汁有嚼勁，那三粒炸芋丸脆卜卜，好吃。
佳佳粉麪店（27879569）
大角嘴福全街14號地下
番茄湯底清澈味濃
開業三個月的「蒙麪」，在網上口碑甚好，店舖小小吸引到附近街坊和OL一族，最抵食的是下午茶套餐，$20包一碗兩餸車仔麪、兩隻招牌燒雞翼（可選麻辣或香草味）和一杯豆漿。
吃車仔麪，食餸要多湯底要味濃，這店有番茄薯仔湯底選擇，老闆蒙生說：「開張頭兩個月，有幾款湯底可選擇，如冬蔭功，但番茄薯仔湯底實在太受歡迎，現在只主力煲這個湯底。」每朝十一時營業前幾小時，蒙生已開始煲湯底，用大量番茄加薯仔和魚去煲，湯色清澈茄味濃不覺膩喉，天氣熱飲特別開胃。此店還有招牌的燒雞翼、叉燒，因蒙生的家人經營燒臘店，他自己亦做了七年燒臘工作，所以即使店舖小小，他用扒爐一樣燒出香口雞翼和叉燒，記得要試特製辣椒醬，不加蒜改用炒過的咖喱醬，又加入柱侯醬，使辣中帶鹹，口腔久久有餘香。
三餸車仔麪$20
有雞翼、豬大腸、粟米，雞翼先用秘製滷水醃過，軟腍有甘味，番茄湯底香濃而不稠，抵讚。
香草烤雞中翼$10/3隻
人手搥鬆，棄用梳打粉醃製，燒時加百里香，令香草味更突出。
招牌蜜汁叉燒$8
選用瘦身的脢肉，燒烤時分兩次下麥芽糖，代替蜜糖，煙韌不過甜。
南乳豬手$5
醬汁香濃，那層充滿肥膏的皮最滑不溜口。
牛孖筋$5
超滑！滑得幾乎夾不穩，自動滑入喉嚨。
蒙麵（23638166）
紅磡必嘉街83A號地舖
