英格蘭喺南非世盃決賽周一敗塗地，喺16強仲大大鑊輸俾死對頭德國，傷透球迷嘅心，但班球員返到英國連sorry都冇句，仲有心情去開P，之後嗱嗱聲去度假叉電。唔知「英國賤男」艾殊利高爾（A高）係咪喺世盃期間冇掂過女人，搞到㷫恰恰，所以喺美國度假時，就要同一時間帶兩個女人上房至解決到需要。
一晚大戰兩女
29歲嘅A高因多次背住靚老婆雪露四出偷食，搞到離婚收場，仲換來「英國賤男」呢個唔光采嘅稱號。但呢個車路士球員一於少理，回復自由身之後，名正言順出嚟玩，上個禮拜六仲同班朋友去美國加州，展開其獵艷之旅。佢哋到埗之後，隨即把握時間，喺禮拜日晚去到著名蒲點GuysAndDollsLounge女。
當晚A高只係着一件白色Polo恤同深色牛仔褲，衣着算係低調；但掩蓋唔到英超球星嘅魅力，隨即吸引到一個胸前偉大嘅黑髮女郎上前佢同搭訕。呢件惹火尤物仲喺傾傾吓偈嘅時候，拉低自己件衫，送個波餅畀A高食。A高似乎對呢個女仔冇乜感覺，不過就中佢兩個朋友，之後兩三吓散手就搞掂咗，然後帶埋呢兩個女仔返酒店happy。
A高話晒係頂級運動員，又咁後生，一晚大戰兩女當然難佢唔到；所以喺第朝瞓醒（即係禮拜一朝頭早）之後，又立即出去玩過。換上黑Tee白褲同戴咗副烏蠅鏡嘅佢，喺酒店門口同個女仔hughug之後，據聞參加一個沙灘派對，而佢喺等班朋友期間，仲一邊煲煙一邊隊酒，擺埋pose扮晒有型，當正自己係明星。
爛滾本身唔係罪，但我求大俠奉勸A高一句，記住做好安全措施，若然中咗世紀三角病，真係冇人會可憐。