消費blog:遊海洋公園免費住酒店

消費blog:遊海洋公園免費住酒店

暑假唔係一定要外遊唞暑,家都有唔少本地酒店推出暑假住宿優惠計劃,噚日同新開張嘅南灣海景酒店(L'hotelIslandSouth)公關David傾開,佢話酒店離海洋公園15分鐘步程,近水樓台先得月,率先同公園合作推出住宿連公園門票優惠,二人套餐$988,包住房一晚連雙人自助早餐及雙人兩日公園門票。
David話,心水清啲就知呢個package好抵,一張公園成人飛$250,兩個人玩兩日都要一千蚊,$988齋買飛都唔夠啦,套餐變相免費住酒店連埋早餐。仲有三人套票(兩成人,一小童)同四人套票(兩成人,兩小童)選擇,價錢分別係$1,088同$1,288。

帝景酒店暑假推出9個興趣班畀住客選。

南灣海景酒店推暑假優惠計劃,二人套餐$988,包住房一晚連雙人自助早餐及雙人兩日海洋公園門票。

帝景推9個興趣班

荃灣汀九帝景酒店公關Coby打畀小妹,佢話酒店推出咗四款暑假住宿套餐,最平抵玩套餐$788,包兩大一小住宿連三位自助早餐;識飲識食套餐房價$888,回贈$500餐飲現金券;馬灣挪亞方舟套餐房價$988,包三張方舟一日遊通行證;按摩住宿套餐房價$1,688,包雙人早餐連60分鐘按摩護理。
Coby話,暑假期間酒店會推出餐桌禮儀、甜餅廚藝班等9個興趣班,參加嘅顧客可以免費任選一班,呢個周末係記憶深測班同心靈藝術班。

電郵:mailto:[email protected]