容祖兒（Joey）、劉青雲和張衞健昨晚到銅鑼灣出席他們聲演的迪士尼3D動畫《反斗奇兵3》首映禮，Joey一向視青雲為偶像，所以昨晚她自爆今次配音是毛遂自薦，更坦言有98%是因為青雲關係，擺明勁冧對方，Joey更笑言要她倒轉給酬勞也願意。
青雲同反o靚模
對於有指林峯拍《翡翠明珠》時拒咀Joey，她即大反應說：「係咩？邊個唔想錫邊個？嗰日拍到成嘴都係沙，佢係易話為嘅人，又唔係伸脷，佢好專業，而且我個嘴好舒服，成個咕咁，唔通話我唔想錫佢咩，佢係萬人迷。」
至於劉青雲對於早前好友黃秋生狂轟o靚模的言論，他雖表贊同，但也覺得太激，他說：「佢咁樣話人，人哋好難話係，佢表達直接，冇心傷害人，我都覺得o靚模行為同性感係絕對過份。」
採訪：楊潔雯
攝影：黃偉雄