南非世界盃決賽周已到倒數階段，而傑志公關主任伍怡欣（Jessica）近日又像決賽周展開前，忙得不可開交，安排球員出席的大大小小的商場活動。對她自己來說，今屆世界盃還獻出了兩個「第一次」，就是首次寫專欄及為商場show做主持。記者：曾雁平
今年全港各大商場為藉世界盃谷人流，除擺設巨型螢幕讓市民睇波，還搞不同節目及活動，部份商場還找來本地球星助陣；其中本地老牌球隊傑志的盧均宜、林嘉緯及陳文輝等球員，最近亦不時出席商場活動，每次傑志球員出show便會見到Jessica在場打點。
做司儀學識執生
「世界盃展開前，好多商場搞唔同活動，有時一日就走兩場，而最難忘係第一次公開做活動嘅司儀。」傑志班主伍健愛女Jessica說。
Jessica憶述：「由於活動請咗娛樂界人士到場，現場早有大批娛樂記者，點知嘉賓遲到，到場上台講完嘢就畀娛樂記者捉住訪問，但程序上嘉賓要上返台同其他嘉賓影大合照，而我見現場咁嘅環境，惟有自己執生；最後拖拖拉拉之下，總算等到齊人影相，對我嚟講係好好嘅經驗。」
9月便返回加拿大繼續升學的Jessica透露，另一個第一次是幫報章寫世界盃專欄：「由於專欄係每日見報，決賽周早段，日日有比賽問題都不大，但後期冇比賽，要為寫乜嘢而頭痛。無論如何，今屆世界盃為我帶嚟好多難忘經歷。」
伍怡欣小檔案
英文名：Jessica
年齡：20歲
學歷：加拿大英屬哥倫比亞大學3年級生
現職：傑志公關主任