【本報訊】德國連續在歐國盃及世界盃躋身準決賽，除有賴體能及戰術，香港足球代表隊教練曾偉忠指出，還關乎球隊精密部署與球員良好的心理質素。
基迪拉每場跑13公里
曾偉忠指德國能夠躋身八強，球員體能狀態不會相差太遠，故勝負取決於如何針對性作出最適當部署，他說：「以我所知，有一隊人幫國家隊做統計同技術分析，唔會只睇近幾場，可能睇對手過去10場，之後將好仔細嘅報告交畀教練團隊，依據報告做最適當部署。」
曾偉忠謂德國對英格蘭及阿根廷，因應對手而移後防守及加強前場壓迫，再利用快速反擊爭取入球，結果成功勝出，他說：「德國球員落場從來都好有自信，亦好清楚係代表國家，踢法強調整體，好少見佢哋會同對手單打獨鬥。」
亞洲足協體能導師陳曉明指出，從國際足協公佈球員奔跑統計數字來看，德國中場基迪拉及舒韋恩史迪加，平均每場奔跑距離接近13公里，顯示球員體能處於相當高的水平。他說：「通常每場比賽跑動距離到12公里已經係非常好，佢兩個接近13公里，即係話體能狀態非常好。」