梁廷鏘捲入迷姦o靚模案，陳淑蘭護契姐夫說：「我唔相信囉！冇可能發生，有時協助調查唔代表任何嘢，唔需要對號入座。總之，我哋全部查經班嘅姊妹，都會支持佢（指寇鴻萍）。」可會為他們祈禱？她說：「呢件事搞到一個麻煩風波，我希望佢心情唔好太差。」
FEVAR下月結業
FEVAR股東汪詩詩的妹妹汪圓圓昨日出席活動時，也投信任票說：「唔相信Patrick會牽涉件事，認為係一個傳言，佢唔會做啲犯法事。」身在日本的另一股東任葆琳說：「佢哋兩夫婦一向好nice，好有禮貌，Patrick對我都好君子。夜場好多呢類是非，飲咗酒，可能有某啲人在場，咁名人係比較eyecatching，在場或者owner會容易惹上關係。」迷姦事件在FEVAR發生，而FEVAR因約滿，已定於下月結業。問任葆琳可會原班人馬再另覓新場開酒吧，她表示未知。查小欣昨日在節目中，透露曾和寇鴻萍通電，她否認梁廷鏘前日返警署續保，而是身在內地工作，更遇上呂方，可以做證。