【本報訊】民主黨張文光昨日接受黨友、網台OurTV主持劉慧卿訪問時，否認該黨為部署與中央談判而不參加公投，堅持未有放棄廢除功能組別的訴求。
張文光在節目中表示，今年2月17日，基本法委員會副主任梁愛詩與民主黨主席何俊仁接觸，「佢有希望我哋同支聯會撇清關係，當然何俊仁係唔同意嘅……你話我哋喺支聯會問題或者平反六四有讓步，我哋自己一定過唔到，我情願冇對話。」
三度向中央提方案
至6月7日，他和何俊仁跟特首曾蔭權會面，「佢（曾蔭權）都好沮喪，覺得唔成功，佢話曾經三次將我哋呢個（區議會改良）方案攞上去，但係被拒絕，中央領導人習近平喺深圳同佢講，呢件事到此為止」。
該黨事後分別在6月14日與政務司司長唐英年及6月19日與曾蔭權會面，二人均要求民主黨確認支持區議會改良方案。張文光憶述，當時曾要求釐定區議會功能組別的提名門檻，「佢（曾蔭權）當時好驚、好憂慮，佢話喂，你知唔知呀，如果你喺最後決定前夕，加任何一樣嘢，我唔理你係乜，隨時係令結果推翻……佢話呢個係本地立法嘅問題，你要信我哋公道。」