【本報訊】為配合新高中學制通識課程，聖雅各福群會首辦「吾生．悟死」生死探索活動，讓中學生到棺材舖、墳場、骨灰花園等實地考察，並親嘗瞓棺材滋味。
聖公會林護紀念中學33位中四生昨到中環一棺材舖參觀傳統與現代棺木、靈車，又到柴灣歌連臣角火化場骨灰紀念花園，見證善終組織為已逝世獨居長者撒骨灰。
真係「塵歸塵，土歸土」
學生吳子鋒指「骨灰撒喺地上一刻，感受好深，真係『塵歸塵，土歸土』」，並表示認識了更多殮葬儀式，看到大廈林立般的骨灰龕位，感覺「冇想像中咁恐怖」，參觀過後對生命有更深層看法，「冇人知幾時會死，要做有意義嘅事，唔好畀自己後悔」。學生彭俊鏗在馬灣挪亞方舟一試瞓棺材滋味，「咩都應該試吓，家人都唔反對，當係增廣見聞」。
學生程子津表示，自己小時候不了解傳統殮葬儀式，「見到街邊有人燒衣紙都會兜路走」。直至她的爺爺去年11月去世，她首次近距離接觸「死亡」，「嗰陣時要喺喪禮幫手，知多咗就冇咁驚」。