【本報訊】小巴司機中暑死亡事件「炒熱」停車熄匙議題。上周目擊該司機中暑的公共小型巴士總商會主席凌志強建議，當氣溫達26℃至28℃時，應豁免職業車輛熄匙，否則司機性命只會不斷受威脅。數十架小巴和的士今天將到環境局抗議。
凌志強昨日接受港台節目《千禧年代》訪問時表示，有關法例只豁免車站首兩架等候的車輛，並不足夠，「出事嘅司機就係排第三，每日最少4至5分鐘係非繁忙時間，每次起碼輪10幾20分鐘先輪到，咁樣對司機健康冇保障」。
的士小巴今抗議
他又指，車廂氣溫起碼比室外氣溫高10℃，因此建議氣溫逾26℃至28℃即豁免熄匙，或每逢夏季就豁免，「天冷就唔使，天熱咪可以豁免囉。呢幾個月，政府去小巴派紙仔，好多人熄匙，因為唔清楚法例未過，驚會抄牌；如果年紀大頂唔順，應該落車」。
的士小巴權益關注大聯盟主席黎銘洪表示，今天下午將發動20多架小巴和的士，由深水埗元州街出發，往灣仔稅務大樓，即環境局局長邱騰華辦公室抗議。他指出，近日有同業中暑，激發更多司機上街，「另外仲有幾十個司機話揸車嚟響應，我哋控制唔到」。他促請當局撤回停車熄匙法例，「話熱到幾多度先豁免，執行嗰陣就得個拗字，不如成條法例唔好（通）過」。