自從同唐季禮嘅戀情告一段落後，林心如嘅感情一直未有着落。日前林心如俾人影到同內地導演王小帥十指緊扣，女方仲面紅紅擺明飲咗兩杯落肚，立即有唔少人推測心如同王小帥拍拖蜜運中。不過心如經理人馬上為佢解釋話當日係成班朋友飯敍，因為心如飲咗酒腳步浮浮，王小帥先拖住佢一齊離開，希望大家唔好誤會。