嚟到4強，始終都係歐洲球隊成為大戶，只要荷蘭入到決賽，無論對德國抑或西班牙，相信戲碼都唔弱，反而烏拉圭如果入決賽，對酒吧、夜市生意老闆嚟講，應該係唔想見到嘅情況。
其實，烏拉圭上圈8強可以淘汰加納，已經算係奇蹟出現咗，最後一擊仲要係12碼都可以畀佢哋頂得住，跟住互射12碼贏埋，唔係奇蹟就假，所以足球有時都要講運氣，就算好似英格蘭咁入咗都可以彈番出嚟，然後球證判唔入，或者西班牙射門連中3次柱都可以送個波入網。打到呢個階段嘅4支球隊，晉級過程都曾經受到幸運之神眷顧，荷蘭都有對手巴西擺烏龍而追平，所以運氣唔畀烏圭差，兩隊碰頭，誰勝誰負好難講，但就覺得半場打和嘅機會比較高，2.05倍算係唔錯分頭。文：戰鬥員A
今日貼士
星期二1烏拉圭[半和]
信心指數：★★★★
註：5★最高