被指為金手指嘅今屆港姐莊思明，其實都有朋友。佢同林碧珍、文凱玲一行三人，噚日返完將軍澳無綫電視廣播城排完舞，就相約搭的士去咗尖沙嘴。佢哋先去一間日本菜館醫肚，之後就喺尖沙嘴百無聊賴行街同去提款機㩒錢。不過佢哋三個都非常敏感，唔使幾耐就發現被記者追訪。佢哋即時兵分兩路，林碧珍同莊思明坐的士去黃埔，文凱玲就趁機離開。