王祖藍同杜汶澤合演嘅新戲《人間喜劇》最近上映,噚日佢哋去到旺角宣傳兼且派10蚊優惠券,觀眾攞住張券去睇佢哋套戲就可以平10蚊喎!問到係咪谷票房?王祖藍話:「唔係,如果係換飛券先係。」祖藍仲自爆同阿澤開盤口,如果觀眾100分鐘唔笑可以回水㖭,不過好彩咁耐以嚟未試過。另外祖藍同阿澤話如果票房去到1600萬,佢哋會輪流請食飯,每人包十圍,咁希望佢哋期望成真啦。